Un gran domingo para o club o vivido esta xornada. O primeiro equipo venceu na matinal pola mínima (1-0) ó Alondras CF grazas ó solitario gol de Make no primeiro tempo e sumou a cuarta vitoria consecutiva, que lle permite afianzarse nos postos de play-off.
Pola tarde, o Filial sumou un importante triunfo e rompeu a xeira de tres encontros sen coñecer a vitoria. Dous tantos de falta directa no segundo tempo, de Denís e Álex puxeron o 0-2 definitivo no feudo do San Lázaro.
