O primeiro equipo viu truncada a súa xeira vitoriosa ó empatar a un tanto ante o Viveiro CF. Os de Alberto López rescataron un punto co tanto de Cañi no treito final de encontro logo de que os visitantes se adiantaron comezado o segundo periodo.
No primeiro acto, os nosos foran superiores, dominando e contando con varias ocasións e mesmo un gol anulado a Anthony, pero a efectividade non estivo de cara e o marcador non se moveu ata o descanso, chegando os tantos no segundo periodo.
O Filial caeu na súa visita a Foz por 3-1 ante un rival en moi boa dinámica. Os locais adiantáronse cedo, pero Gabri igualou antes do intermedio.
Non obstante, os focenses foron mellores e leváronse o encontro ó materializar o seu control do encontro con dous novos tantos.
