Racing Club Villalbés 0 – 2 Somozas
Estadio A Magdalena – 26 de octubre de 2025
Onte na Magdalena vivimos un partido deses que se deciden por pequenos detalles. Foi un encontro intenso, moi disputado, e no que ao Racing Villalbés faltoulle a finura e a frescura que tantas veces caracterizáronnos nas últimas xornadas. O Somozas aproveitou as súas oportunidades e levou os tres puntos nun duelo máis igualado do que reflicte o marcador.
Desde o inicio, ambos os equipos mostramos moito respecto mutuo. O xogo desenvolveuse principalmente no centro do campo, con posesións alternas e sen apenas ocasións claras nos primeiros minutos. As defensas impuxéronse e cada conxunto tratou de non cometer erros que puidesen condicionar o resultado.
Co marcador aínda 0-0, tivemos unha ocasión clarísima de Cadra tras o rechace dun córner que terminou bloqueando o remate un rival. O balón saíu rozando o poste na que puido ser a primeira gran alegría da tarde para a afección racinguista.
O partido comezou a abrirse co primeiro gol visitante, que chegou no minuto 39. Unha acción aparentemente sen perigo, un disparo afastado con rexeite, acabou caendo aos pés de Lucas Fanego que definiu con acerto para poñer o 0-1. Ese gol fíxonos dano. Obrigounos a dar un paso adiante, a arriscar máis, e aínda que gañamos metros e presenza ofensiva, tamén apareceron as présas e algunhas imprecisións que nos impediron finalizar con claridade.
E xusto cando mellor estabamos, chegou unha acción que puido cambiar o rumbo do encontro: un penalti claro sobre Pablo Trigo dentro da área que o árbitro non sinalou. Era o minuto 47 e, de pitarse, podería significar o empate. As protestas foron unánimes, pero a xogada continuou e, na acción posterior, chegou o segundo tanto do Somozas.
No desconto da primeira parte, Lucas Fanego volveu romper por banda e o seu centro aproveitouno Aldán para facer o 0-2. Ese tanto, xusto antes do descanso, foi un auténtico mazazo anímico.
A segunda metade tivo unha soa cor: o do Racing tentando por todos os medios meterse no partido. Adiantamos liñas, movemos o banco e tentámolo máis con corazón que con organización. Tivemos presenza na área rival, sobre todo en accións a balón parado con lanzamentos de Jose Varela, pero a defensa do Somozas mostrouse moi sólida e non permitiu que recortásemos diferenzas.
A pesar do esforzo, o marcador non se moveu e o partido terminou cun 0-2 que corta a nosa boa serie de seis xornadas sen perder. É a segunda derrota da tempada, ambas en casa, pero non embaza o gran traballo que vén facendo o equipo.
⚽ Alineaciones
Racing Villalbés: Santomé; Jose Varela, López, Vérez (Gael, m.69); Cadra (Da Lama, m.26), Buyo (Gegun, m.46); Make, Javi Varela, Borja Míguez; Trigo y Herrero.
Somozas: Iago; Ivi, Dopico, Joel, Asier, Sanmartín; Bruno (Óscar, m.62), Iñaki; Aldán (Darek, m.93), Lucas Fanego (Moisés, m.76); Cambón (Pérez, m.62).
Goles:
0-1 (m.39): Lucas Fanego.
0-2 (m.45+6): Aldán.
Árbitro: García Iglesias (Santiago). Mostrou cartón amarelo a López y Vérez (Racing) y a Cambón (Somozas).
Incidencias: Antes do inicio gardouse un emotivo minuto de silencio en memoria de Antonio Vérez Otero, socio e colaborador do club, e pai do xogador David Vérez.
Hoxe o fútbol non nos sorriu, pero o equipo deixouno todo sobre o campo. Tivemos as nosas opcións, especialmente coa clara ocasión de Cadra e o penalti non sinalado a Trigo que puido cambiar o rumbo do encontro. Quedamos co esforzo, a entrega e a ambición de todos os xogadores, sabendo que estas derrotas tamén serven para crecer.
Toca levantar a cabeza e preparar a próxima xornada coa confianza de que este grupo ten fútbol, compromiso e alma para volver sumar de tres.
#orgullorcv #ForzaRacing #SempreRacing
